Gənc qalmağın ən ucuz və effektiv yolu budur!

Çoxları yuxunu dəriyə qulluğun vacib komponenti olduğunu hesab etmir, lakin davamlı olaraq az yatmaq dəriyə ciddi təsir göstərir. Az yatmaz onun qocalmasına və qurumasına yol aça bilər.

Publika.az xəbər verir ki, bu barədə dermatoloq Dr. Melani Palm Amerikanın "Vogue" jurnalına danışıb. O, bildirib ki, yuxusuzluq orqanizmin stress hormonu olan kortizol səviyyəsinin yüksəlməsinə səbəb olur.

"Nəticədə yüksək kortizol səviyyələri dərinin həcmini, nəmini və elastikliyini itirməsinə, kollagenin azalmasına və vaxtından əvvəl sallanma və qırışlara səbəb ola bilər. Yeddi-doqquz saat yatdığınız zaman bədən dərinin təmir mexanizmləri olan melatonin hormonunu işə salır. Melatonin hüceyrələrə zərər verən və onların daha sürətli qocalmasına səbəb olan sərbəst radikallarla mübarizə aparan güclü antioksidantdır.

Yuxu zamanı meydana gələn melatoninin təbii şəkildə sərbəst buraxılması ətraf mühitin dəri hüceyrələrinə vurduğu zərəri bərpa edir. Yuxu həm də qırışları azalda, kollageni bərpa edə və UV zədələrini bərpa edə bilər. Melatonin həm də dərini ətraf mühitin stresindən qoruyur, müdafiəsini gücləndirir və canlandırır" , - ekspert vurğulayıb.

Dermatoloqun sözlərinə görə, yuxunun keyfiyyəti və yuxu pozası da ciddi rol oynayır. Odur ki, üzüüstə deyil, arxası üstə yatmaq tövsiyə olunur. Bu zaman üz dərisi təzyiqə məruz qalmır.

"Yuxu qırışları, qocalıq ləkələrini, dəri sallanmasını və digər qocalma əlamətlərini uzun müddətdə aradan qaldırmağa kömək edir, gözəl dəriyə sahib olma üçün 7-9 saatlıq yuxu rejiminə əməl etmək çox vacibdir", - Melani Palm bildirib.

Aytən Məftun