103 yaşlı bloger gözəllik və təbiiliyin SİRLƏRİNİ AÇDI

103 yaşı tamam olan britaniyalı bloger Coan Pətric gənclik və cazibədarlıq sirlərini açıqlayıb.

Publika.az xəbər verir ki, bu barədə "New York Post" (NYP) məlumat yayıb.

Qocalar evində çəkdiyi özünə qulluq videosu sayəsində internetdə məşhurlaşan qadın çox makiyaj etmədən dərisini necə təravətli və baxımlı saxladığını açıqlayıb.

Pətricin sözlərinə görə, onun əsas sirlərindən biri üzü vizual olaraq cavanlaşdırmağa kömək edən ənlikdir. Bununla belə, o xəbərdarlıq edib ki, makiyajın qırışlara yuvarlanmaması üçün mülayim şəkildə gülümsəmək lazımdır. Bundan əlavə, bloger makiyajın daha ifadəli görünməsi üçün göz laynerindən istifadə edir.

"Gözəllik mənim üçün təbiilikdir. Hər yaşda özünü yaxşı hiss etmək vacibdir və bu məsələdə ənlik kömək edir. Minimum kosmetikadan istifadə edirəm, amma bunu hər gün edirəm və məhsulları yüngül effekt yaratmaq üçün diqqətlə yayıram", - Pətric izah edib.

Pətricin hekayəsi minlərlə izləyicini ruhlandırır: yaşına baxmayaraq, o, aktiv qalır, özünə qulluq edir və özünə qulluqun vaxt məhdudiyyətindən asılı olmadığını sübut edir.

Hüseyn İbadlı