SOCAR-ın lirə üzrə riskləri var?

"Biz sərmayələrimizi restoran biznesinə deyil, zavodların tikilməsinə yatırmışıq. SOCAR-ın öz investisiyaları üzrə təxminən 10 milyard dollara yaxın gəliri var. Məlumdur ki, bu 16,5 milyard dolların hamısı ancaq bizim pulumuz deyil. SOCAR-ın illik qazancı təxminən 750 milyon dollar olmalıdır. Məsələn, bu il 1 milyard dollar olacaq".

Publika.az xəbər verir ki, bunu Azərbaycan Dövlət Neft Şirkətinin (SOCAR) Türkiyədəki törəməsi "SOCAR Turkey Enerji A.Ş"nin baş icraçı direktoru Zaur Qəhrəmanov deyib.

Z.Qəhrəmanov Türkiyədə gedən iqtisadi proseslərin onları qorxutmadığın bildirib: "Çünki bizim lirə üzrə risklərimiz çox azdır. Pərakəndə satış üzrə risklərimiz ola bilər. Tutaq ki, bu gün satış etdik, lirəni dollara keçiririk və bizim 1 günlük riskimiz yarana bilər. Topdansatış üzrə biz 90% lirə riskindən uzağıq. Mən maşınların elektrikli olmasından da çəkinmirəm. Dünyada elektrikli maşınların ümumi həcmi 11% təşkil edir. Mən Türkiyə riskindən yox, qlobal iqtisadi risklərdən daha çox çəkinirəm".