Qızılın qiymətində tarixi rekord: Sarı metal durmadan bahalaşır

Nyu-York əmtəə birjasının bölməsi olan "Comex"də qızılın qiyməti yeni tarixi rekorda imza atıb.

Publika.az xəbər verir ki, bunu ticarət platformasının məlumatları sübut edir.

Aprelin 2-də qiymətli metalın çatdırılması üzrə fyuçerslər 1,12 faiz bahalaşaraq 1 troy unsiyası üçün 3201,6 dollar olub. Qızılın belə yüksək qiyməti tarixdə heç vaxt qeydə alınmayıb. Daha sonra, aprelin 3-ü səhər saatlarında qiymət 1 troy unsiyası üçün 3171,5 dollar olub ki, bu da əvvəlki günlərlə müqayisədə 0,02 faiz artım deməkdir.

Bildirilir ki, martın 27-də keçirilən hərracda qızıl əvvəlki rekordunu müəyyənləşdirib. Qızılın birja qiyməti tarixdə ilk dəfə olaraq 1,5 faizdən çox artaraq 1 troya unsiyası üçün 3,1 min dollar səviyyəsini keçib. Qızıl qiymətlərindəki sıçrayışlarla bağlı vəziyyət tarif təhdidləri qorxusu fonunda təhlükəsiz sığınacaq aktivlərinə tələbat, həmçinin ABŞ prezidenti Donald Tramp administrasiyasının, o cümlədən tarif siyasəti sahəsində atdığı addımlarla əlaqələndirilir.

"Goldman Sachs"ın analitikləri noyabr, dekabr və yanvar aylarında alışların artmasını nəzərə alaraq, 2025-ci ilin sonuna qızılın qiyməti ilə bağlı proqnozlarını bir unsiya üçün 3300 dollara qaldırıblar. Əvvəlki proqnoz 3,1 min idi ki, bu da yazın əvvəlində əldə edilib.

Adəm