Azərbaycandan 1730 nəfər “Green Card” uddu - ÖLKƏLƏRİN SİYAHISI

2025-ci ildə ABŞ-də yaşamaq icazəsi verən “Green Card” lotereyasında Azərbaycandan 1730 nəfər seçilib.

Publika.az xəbər verir ki, bu barədə “Green Card” nəticələrinin açıqlandığı Kentukki konsulluq mərkəzi məlumat yayıb.

Lotereyanın nəticələrinə görə, bu il “Green Card”ı ən çox Özbəkistan vətəndaşları udub - 5564 nəfər. ABŞ-da yaşamaq imkanı verən lotereyada ikinci yeri Əlcəzair (5526 nəfər), üçüncü yeri isə Rusiya (5519 nəfər) tutub.

“Green Card” lotereyasında Sudandan 5505 nəfər, İrandan 5267 nəfər, Türkiyədən 4 194 nəfər, Qırğızıstan 3095 nəfər, Tacikistan 2 982 nəfər, Ermənistandan 2 971 nəfər, Qazaxıstandan 2 004 nəfər, Gürcüstan isə 1342 nəfər qalib olub.

Budəfəki “Green Card” lotereyasında ən çox qalib Afrika qitəsindən olub.

Qeyd edək ki, bu il “Green Card” lotereyasında 55 min yer oynanılıb, qaliblərin sayı 2 dəfə çox olub - 131 060 nəfər. Amma qalib olsa da viza alanların sayı ildə 55 min nəfəri keçmir.

Ən pis nəticələr isə Venesugla, Bruney, Vatikan, Marşal adaları və Norfolk adalarındadır – bu ölkələrdən “Green Card” qalibi olmayıb.