2025-ci ildə qlobal iqtisadi artım 2,5%-ə qədər yavaşlayacaq - Çünki...

2025-ci ildə qlobal iqtisadi artım ticarət və valyuta müharibələri, eləcə də sanksiyalar fonunda 2,5%-ə qədər yavaşlayacaq.

Publika.az "RİA Novosti"yə istinadən xəbər verir ki, bunu iqtisadçı ekspert Marina Çekurova bildirib.

"Biz ticarət müharibələrinin yaratdığı qeyri-müəyyənlik və bir neçə onilliklər ərzində müşahidə olunan tariflərin və maneələrin "sıfırlanması"nın ümumi sona çatması səbəbindən qlobal ÜDM artımının 2,5% civarında olacağını gözləyirik. Valyuta müharibələri və sanksiyalar da biznes fəallığının azalmasına səbəb olur", - Çekurova qeyd edib.

BVF-nin məlumatına görə, ötən il qlobal iqtisadi artım tempi 3,3% təşkil edib. 3%-dən aşağı olan nisbət yalnız 2008-2009-cu illərdə qlobal maliyyə böhranı zamanı, eləcə də 2019-cu və 2020-ci il koronavirus illərində olub.

Çekurova qeyd edib ki, temp çox qeyri-bərabər olacaq: "Çin, hətta yavaşlasa da, artımı davam etdirəcək. Hindistan və Latın Amerikası daxili səbəblərdən böyüyür və qlobal münaqişələrin benefisiarları sırasındadır. ABŞ-da vəziyyət daha az proqnozlaşdırıla bilər, lakin birjanın nikbinliyinə əsasən, tənəzzül gözlənilmir".

Çekurovanın fikrincə, bununla yanaşı, Avropa İttifaqı və Yaponiya da yavaşlamağa davam edəcək.

Adəm