İqtisadi gündəm

Bu ölkə Azərbaycandan neft alışını 3 dəfə azaltdı

1 Dekabr 2025 09:24

Azərbaycandan bu ilin yanvar-oktyabr aylarında Tailanda cəmi 137,7 min ton neft ixrac edilib.

Publika.az bu barədə Dövlət Gömrük Komitəsinə istinadən xəbər verir.

Məlumata görə, Tailanda ixrac edilmiş neftin dəyəri isə 75,9 milyon dollar olub.

Son bir il ərzində ixracın həcmində 239 min ton (2,7 dəfə), dəyərində isə 158,3 milyon dollar (3,1 dəfə) azalma baş verib.

Qeyd edək ki, 2024-cü ilin yanvar-oktyabr ayında isə Azərbaycan Tailanda 234,2 milyon dollar dəyərində 376,8 min ton neft ixrac etmişdi.

Bu ilin yanvar-oktyabr aylarının nəticələrinə görə Tailanda ixrac edilmiş neftin orta hesabla 1 tonunun dəyəri 551 dollar olub ki, bu da 2024-cü ilin müvafiq göstəricisinə görə 70 dollar (11,3%) azdır. Ötən ilin müvafiq dövründə bu göstərici 621 dollara bərabər olub.

Xam neftin ixrac olunduğu ölkələrin siyahısında Tailand 2025-ci ildə 16-cı, 2024-cü ildə isə 11-ci yerdə olub.