Ukrayna müharibəsindən sonra Aİ-nin Ermənistana və Azərbaycana ixracı nə qədər artıb?

2022-ci il fevralın 24-də Ukraynada müharibə başlayandan sonra Avropa İttifaqı genişmiqyaslı sanksiyalar tətbiq edib və bu sanksiyalar Rusiyaya ixracı kəskin şəkildə azaldıb. Belə ki, 2021-ci ildə 89 milyard avro olan ixrac həcmi 2025-ci ilin sentyabrına olan vəziyyətə görə 66% azalaraq 30 milyard avroya düşüb.

Publika.az xəbər verir ki, bu barədə iqtisadçı Ehsan Soltaninin təhlilində deyilir.

Eyni dövrdə Aİ-nin bir sıra MDB ölkələrinə - Qazaxıstan, Moldova, Özbəkistan, Gürcüstan, Qırğızıstan, Azərbaycan və Ermənistana ixracı iki dəfədən çox artaraq 108% yüksəlib və 15,5 milyard avrodan təxminən 32,2 milyard avroya çatıb.

Ehsan Soltani

Qeyd olunan ölkələrə ixracın sürətli artımı belə ehtimallara yol açıb ki, onların bəziləri sanksiyalardan sonra dolayı ticarət axınlarının təmin olunmasında vasitəçi rolunu oynaya bilər.

Belə ki, 2022-ci ilin fevralında Aİ Ermənistana 770 milyon avro dəyərində mal ixrac edib, 2024-cü ilin iyulunda isə bu göstərici 1,96 milyard avroya çatıb ki, bu da 2,5 dəfə və ya 150% artım deməkdir.

2022-ci ilin fevralında Aİ Azərbaycana 1,51 milyard avro dəyərində məhsul ixrac etdiyi halda, 2024-cü ilin iyulunda bu rəqəm 2,48 milyard avroya yüksəlib ki, bu da 1,6 dəfə və ya 60% artım deməkdir.

Hüseyn İbadlı