İqtisadi gündəm

Böyük böhran başladı: Neftin qiyməti 200 dollara yüksələ bilər

31 Mart 2026 14:50

Yaxın Şərqdə gərginliyin pik həddə çatması dünya enerji bazarını alt-üst edib.

Publika.az xəbər verir ki, "Bloomberg" agentliyinin verdiyi məlumata görə, regiondakı münaqişə səbəbindən Hörmüz boğazının bağlanması neftin qiymətini astronomik həddə çatdıra bilər.

"Boğazın bağlı qalması hər həftə bazardan 100 milyon barel neftin yox olması deməkdir. Əgər bu vəziyyət növbəti 6-8 həftə ərzində davam edərsə, neftin bir barelinin qiyməti 150-200 dollar diapazonuna qədər yüksələ bilər", - deyə energetika eksperti Fereydun Feşaraki bildirib.

Qeyd edək ki, hazırda Hürmüz boğazı demək olar ki, bütün gəmilər üçün qapalıdır. Körfəz ölkələri gündəlik neft ixracını milyonlarla barel azaldıb. Sonuncu dəfə neft tankerinə edilən hücum isə bazarda panikanı daha da artıraraq qiymətlərin kəskin sıçrayışına səbəb olub.

Adəm