Hadisə
Azərbaycanda tanınmış jurnalist vəfat etdi - FOTO
Mətbuat Şurası Azərbaycan Jurnalistlər Birliyinin və Azərbaycan Yazıçılar Birliyinin üzvü Rafiq Qənbər oğlu Hacıyevin vəfatı ilə əlaqədar nekroloq yayıb.
Şuradan Publika.az-a verilən məlumata görə, nekroqloqda deyilir:
"Azərbaycan jurnalistikasına və publisistikasına böyük itki üz verib. İyulun 28-də istedadlı yazıçı-jurnalist, Azərbaycan Jurnalistlər Birliyinin və Azərbaycan Yazıçılar Birliyinin üzvü Rafiq Qənbər oğlu Hacıyev 67 yaşında ürək tutmasından dünyasını dəyişib.
Rafiq Hacıyev Yevlax şəhərində anadan olub, burada orta təhsil alıb. Yeniyetmə dövründən rəssamlığa, musiqiyə, incəsənətə və jurnalistikaya çox böyük həvəs göstərib. İlk yazıları respublika uşaq nəşrlərində və rayon qəzetlərində çap olunub.
Mərhum həmkarımız 1975–1980-cı illərdə Bakı Dövlət Universitetinin jurnalistika fakültəsində təhsil alıb. Tələbə ikən “Xalq qəzeti”ndə ("Kommunist" qəzeti) çalışmış R.Hacıyevin imzası geniş tanınmağa başlayıb. Uzun illər bu qəzetdə müxbir, baş müxbir, məsul katib müavini və məsul katib vəzifələrində çalışıb. O, həminin “Səhər” qəzetində də məsul katib vəzifəsini tutub.
1991–1993-cü illərdə "Azərbaycan", "Həyat" qəzetlərində məsul katib, "Odlar Yurdu" qəzetinin baş redaktor olub. 1993-1995-ci illərdə Azərbaycan Dövlət İnformasiya Agentliyində (AZƏRTAC) müxbir və buraxılış redaktoru işləyib. Sonrakı illərdə Azərbaycan Respublikası Baş Prokurorluğunun Mətbuat mərkəzinin məsul əməkdaşı kimi fəaliyyət göstərib.
R.Hacıyev bir sıra bədii-sənədli əsərlərin və kitabların müəllifi olaraq da tanınıb. Milli mətbuatımızın inkişafındakı xidmətləri və kitabları "Həsən bəy Zərdabi", "Cəfər Cabbarlı", "Rəsul Rza", “Humay”, “Mahmud Qaşqarlı” mükafatlarına layiq görülüb.
Yazıçı-jurnalist, gözəl insan, səmimi dost Rafiq Hacıyevin vəfatı son dərəcə ağırdır. Mərhumun doğmalarına, əzizlərinə və həmkarlarına dərin hüznlə başsağlığı verir, onların üzüntülərini və kədərlərini bölüşürük. İstedadlı həmkarımızın əziz xatirəsi daim qəlbimizdə yaşayacaqdır.
Allah Rəhmət eləsin!".
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO