Sabirabadda yaşadığı ünvanı tərk edən COVID-19 xəstələri saxlanıldı - FOTO
Bizi izləyin
Aptekonline

Hadisə

Sabirabadda yaşadığı ünvanı tərk edən COVID-19 xəstələri saxlanıldı - FOTO

Sabirabadda yaşadığı ünvanı tərk edən iki COVID-19 xəstəsi saxlanılıb.

Bu barədə Publika.az-a DİN-in Mətbuat Xidmətinin Şirvan regional qrupundan məlumat verilib.

Bildirilib ki, koronavirus infeksiyasına yoluxan və ev şəraitində müalicə alan Sabirabad rayonu Qalaqayın kənd sakini Rasim Əliyev karantin rejimi qaydalarını kobud şəkildə pozaraq yaşadığı ünvanı tərk edib. O, kənd ərazisində şöbə əməkdaşları tərəfindən aşkar olunub və yaşadığı ünvana qaytarılıb.

COVID-19 testinin nəticəsi pozitiv olan və ev şəraitində müalicə təyin olunan rayonun Türkədi kənd sakini olan Hüsən Əliyev da qoyulan qaydalara biganə yanaşaraq yaşadığı ünvanı tərk edib. Polislər tibbi prosedurları gözləməklə onu yaşadığı ünvana geri qaytarıblar.

Hər iki şəxs barəsində Sabirabad Rayon Polis Şöbəsində araşdırmalar aparılır.

Teqlər
Oxumağa davam et
Reklam
Reklam

Gündəm

Aptekonline