Ermənilərin hücumuna məruz qalan Aytən Muradovadan açıqlama

Ermənilər ilk dəfə idi ki, Azərbaycanın Fransadakı səfirliyinin nəzdində olan Azərbaycan Mədəniyyət Mərkəzinə hücum edirdilər.

Bu sözləri Publika.az">Publika.az-a açıqlamasında Azərbaycan-Fransa Dialoq Assosiasiyasının təsisçisi Aytən Muradova ötən gün ermənilərin Parisdəki Azərbaycan Mədəniyyət Mərkəzinə hücum etməsi və “Qarabağa aparan yol” filminin təqdimatına mane olmaq cəhdləri haqda danışarkən deyib.

A.Muradova bildirib ki, hücum edən ermənilər həm Ere TV-nin əməkdaşlarına, həm də tədbir iştirakçılarına qarşı vəhşilik törədib: “Mənim özümə də xasarət yetirdilər, qolumu zədələdilər. Ermənilərin vandal hücumu isə tədbirin keçirilməsinə mane olmadı. Əraziyə gələn Fransa polisi dəstənin əsas üzvünü saxladı, hücum edən digərlərini isə ərazidən uzaqlaşdırdı”.

Qeyd edək ki, Fransada fəaliyyət göstərən Ere TV-nin Qarabağdan və Şuşa şəhərindən hazırladıqları “Qarabağa gedən yol” adlı filmin Mədəniyyət Mərkəzində təşkil edilmiş təqdimatına mane olmaq üçün ermənilər ötən gün Azərbaycan Mədəniyyət Mərkəzinə hücum etmişdilər.