Hadisə

Masazırda kuryeri maşın vurub öldürdü - VİDEO

9 Fevral 2023 20:12

Abşeron rayonu, Masazır qəsəbəsində bir nəfərin ölümü ilə nəticələnən yol-nəqliyyat hadisəsi baş verib. Baş Dövlət Yol Polisi İdarəsi bu gün Abşeronda baş verən dəhşətli qəzaya münasibət bildirib.

Publika.az xəbər verir ki, idarənin ictimaiyyətlə əlaqələr şöbəsinin rəisi, polis mayoru Rövşən Tağıyevin sözlərinə görə, hadisə bu gün saat 14:00 radələrində rayonun Masazır qəsəbəsin Əliağa Vahid küçəsində baş verib:

“Hərəkətdə olan moped birinci dayanacaqda dayanan marşrut avtobusuna, daha sonra isə sürücü eyni istiqamətdə hərəkətdə olan yük avtomobilinin altına düşüb. Nəticədə mopedin sürücüsü həyatını itirib”.

Şöbə rəisi moped sürücülərinə müraciət edərək, yol hərəkəti qaydalarına ciddi riayət etmələrini tövsiyə edib:

“Moped sürücülərindən xahiş edirik yol hərəkəti və təhlükəsizlik qaydalarına ciddi riayət etsinlər. Nəqliyyat vasitəsini idarə edərkən dəbilqə taxsınlar”.