Xəyanətə görə öz evini yandırdı, həmkəndlisini isə alçaldaraq... - Sabirabadda şok olay / VİDEO

Video əlavə edildi.

xxx

Sabirabad rayonunun kəndlərindən birində tanışını alçaldaraq videoya çəkən 1979-cu il təvəllüdlü Təhmasib S. və onun dayısı oğlu 1996-cı il təvəllüdlü Samit Q. həbs edilib.

Publika.az-ın əldə etdiyi məlumata görə, Təhmasib barəsində Cinayət Məcəlləsinin 128, 134, 145.2.4, 145.2.5, 145.2.6, 186.2.1 və 186.2.2-cı, Samitə isə 145-ci maddəsi ilə cinayət işi açılıb.

Müəyyən edilib ki, Təhmasib keçmiş həyat yoldaşını ona xəyanət etməkdə günahlandıraraq evini yandırıb və 40 min manata yaxın ziyan vurub.

O, dayısı oğlu ilə birləşərək keçmiş həyat yoldaşına qarşı nalayiq hərəkətlərdə ittiham etdiyi həmkəndlisini də döyərək qəbiristanlığın yaxınlığındakı su kanalına atıb. Həmçinin həmin şəxsin üzərinə sidik ifraz edərək videoya çəkib.

Sabirabad rayon Məhkəməsində keçirilən prosesdə Təhmasib S. törətdiyi əməlləri qismən etiraf edib. Samit isə onun həmkəndlisini alçaldarkən həmin yerdə olmadığını və videoya çəkmədiyini deyib.

Məhkəmənin hökmü ilə Təhmasib 5 il 6 ay, Samit isə 3 il müddətə həbs cəzasına məhkum edilib.

Turqut Seyidov