Hadisə

Ana 2 azyaşlı övladını sobaya qoyub öldürdü - FOTO

19 Noyabr 2024 17:00

ABŞ-da 1 və 2 yaşlı iki uşağını sobaya ataraq öldürən ana ömürlük həbs cəzasına məhkum edilib.

Publika.az xəbər verir ki, 2017-ci ildə ABŞ-da dəhşətli qətl hadisəsi törədilib.

Hadisə Lamora Uilyamsın bir gecə polisə zəng edərək evdə olmadığı zaman uşaqlarının öldüyünü bildirməsi ilə üzə çıxıb.

Uilyams polisə verdiyi ifadəsində gün ərzində işdə olduğunu, evdə olmadığı müddətdə uşaqların dayə ilə qaldığını bildirib. Qadın axşam saatlarında evə qayıdanda uşaqları yerdə ölü vəziyyətdə gördüyünü bildirib və evdəki sobanın onların üzərinə düşdüyünü iddia edib.

Məhkəmədə təqdim edilən dəlillərə görə, qadının uşaqlarını sobaya qoyaraq diri-diri yandırdığı iddia edilib.

“İndependent”in məlumatına görə, 2 uşağını sobaya ataraq öldürən və əvvəllər 14 müxtəlif cinayətə görə məhkum olunan qadının psixoloji problemləri olub.

Qeyd edək ki, qadın ömürlük həbs cəzasına məhkum edilib.

Aysel