Hadisə

"Öldürülən" kişi 6 aydan sonra "dirildi": 40 min təzminat aldı

27 Yanvar 2026 18:06

Rusiyanın Omsk vilayətinin 62 yaşlı sakini dövlət xidmətləri həyata keçirən "Gosuslugi" saytında öz ölümü ilə bağlı bildiriş alıb və bunun əksini sübut etmək üçün altı ay sərf edib.

Publika.az xəbər verir ki, bu barədə regional prokurorluq məlumat yayıb.

2025-ci ilin iyul ayında ona ölümü ilə əlaqədar bank kartlarının və hesabının bloklandığı bildirilib. Bu məlumat banklar, dövlət və büdcə qurumları ilə şəxsi sorğular vasitəsilə təsdiqlənib.

Məlum olub ki, bu müddət ərzində Rusiya bölgələrindən birində naməlum bir kişi xəstəxanaya yerləşdirilib və onu xilas etmək mümkün olmayıb. Həkimlər qeydlərə səhv şəxsi məlumatlar daxil ediblər. Bu isə yaşayan insanın ölümünün dövlət tərəfindən qeydiyyata alınmasına səbəb olub.

Kişi məhkəmə yolu ilə təkcə hüquqi status deyil, həm də 40 min rubl (888 manat) mənəvi təzminat alıb.

Adəm