18 il əvvəl qatar qəzasında ölən şəxsin telefonu susmayıb

18 il əvvəl Metrolinkdə baş verən qatar qəzası ilə bağlı maraqlı, eyni zamanda məyusedici faktlar üzə çıxıb. Metrolink Cənubi Kaliforniyada Los-Anceles, Oranj, Riversayd, San Bernardino, San Dieqo və Ventura qraflarına xidmət göstərən şəhərətrafı dəmir yolu sistemidir.

Publika.az xəbər verir ki, bu barədə "Mirror" qəzeti məlumat yayıb.

Amerikalı Çarlz E. Pek San Fernando vadisində baş verən Metrolink qəzasında həlak olub. Hadisə Çatsvort faciəsi kimi tanınır. Qəza 2008-ci ilin sentyabr ayında baş verib. Sərnişin qatarı saatda 130 km-dən artıq sürətlə yük qatarı ilə toqquşub. Nəticədə 25 nəfər ölüb, 100-dən çox insan yaralanıb və onlarla sərnişin ağır vəziyyətdə qalıb. Bu, Metrolink tarixində ən ölümcül qəzadır.

Qəzadan sonra qeyri-adi bir hadisə baş verib. Pekin ölümündən sonra 11 saat ərzində onun mobil telefonundan ən yaxın qohumlarına təkrar-təkrar zənglər gedib, ümumilikdə 35 zəng qeydə alınıb. Qohumları telefonu götürəndə nə səs, nə də nəfəs eşidiblər. Geri zəng cəhdləri isə avtomatik cavablandırma ilə başa çatıb.

Hər zəng Pekin dağıntılar altında sağ qaldığına ümid yaradıb. Lakin sonradan məlum olub ki, o, qatar toqquşması nəticəsində həlak olub. Onun telefonu avtomatik işləməyə davam edib, amma cihaz heç vaxt tapılmayıb. Mobil telefon siqnalları isə xilasedicilərə qəza yerini müəyyən etməyə kömək edib və Pekin qalıqları dağıntılar arasında aşkarlanıb.

İlkin araşdırmalar göstərib ki, sərnişin qatarının maşinisti qırmızı işıqda keçib.

Adəm