Hadisə

“Topaz”ı soyanlar ələ keçdi

11 Noyabr 2015 15:22

Paytaxtda iki oğru tutulub.

Publika.az Daxili İşlər Nazirliyinin saytına istinadəın xəbər verir ki, noyabrın 9-da Binəqədi rayonu ərazisində Bakı şəhər sakini Xatirə Əsgərovanın idarə etdiyi, “Beta” şirkətinə məxsus “Hyundai” markalı avtomobilin yük yerindən çay məmulatları oğurlanıb.

Binəqədi RPİ-nin 7-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətmiş paytaxt sakinləri Əli Hüseynov və əvvəllər məhkum olunmuş Rəşad Hüseynov tutulub.

Ətraflarında aparılmış əməliyyat tədbirləri ilə onların daha 5 nəfərə məxsus avtomobildən, 3 mağazadan, həmçinin Lətif Seyidəliyevə məxsus “Topaz” mərc oyunları məntəqəsindən, Aleksandr Mehdiyevə məxsus qarajdan və Mahir İsgəndərova məxsus evdən pul, məişət əşyaları, təmir-tikinti alətləri və ərzaq məhsulları, habelə Elnur Süleymanova məxsus velosipedi oğurlamaları da müəyyən edilib.

Faktlarla bağlı araşdırmalar davam edir.

Anar