Hadisə

89 yaşlı qadın sirkə turşusu içdi - İNTİHAR

30 İyul 2016 10:56

Şəki rayonunun Şəki kəndində 89 yaşlı qadın sirkə turşusundan zəhərlənərək ölüb.

Kənd sakinlərinin Publika.az-a verdiyi məlumata görə, 1927-ci il təvəllüdlü Qızbəst Rəcəbova intihar məqsədilə sirkə turşusu içib.

Sakinlər bildiriblər ki, 89 yaşlı qadın uzun müddətdir ölmək istədiyini deyirmiş: “Təxminən 10 il əvvəl cavan oğlu ürək tutmasından ölmüşdü. Ondan sonra qadın yaşamaq istəmirdi. Həmişə deyirdi ki, bir ovuc dərman olsa, içib ölərdim, oğlumdan sonra yaşamaq istəmirəm. Amma gəlini, oğlu, nəvələri ona çox yaxşı baxırdı. Bir an belə tək qoymurdular. Dünən evdə turşu hazırlayanda sirkə yerdə qalıb. O da əlindəki çubuqla sirkə qabını özünə tərəf çəkib və içib. O vaxt yanında heç kim olmayıb. Nəvəsini çağırıb, sonra da ölüb”.

Kənd sakinlərinin sözlərinə görə, Q.Rəcəbova uzun müddətdir xəstə imiş, ayaqları ağrıyırmış və yaxşı yeriyə bilmirmiş.

Gülxar