İdman
"Qəbələ" və "İnter" növbəti turda, “Neftçi” dayandı - NƏTİCƏLƏR
Bu gün UEFA Avropa Liqasının I təsnifat mərhələsinin cavab oyunları keçirilib.
Publika.az xəbər verir ki, "İnter" ilk oyunda səfərdə 1:1 hesabı ilə heç-heçə oynadığı Albaniya təmsilçisi "Laçi" ilə Bakıda qarşılaşıb.
Saata 21:00-da başlayan oyunda hesab açılmayıb. İlk oyun səfərdə 1:1 hesabı ilə başa çatdığı üçün “İnter” növbəti mərhələyə vəsiqə qazanıb.
“İnter” – “Laçi” ilə eyni vaxtda Qəbələdə eyni adlı komandamız Tiflisin “Dinamo”sunu qəbul edib. “Qəbələ” ötən həftə rəqib meydanında keçirilən ilk oyunda 2:1 hesabı ilə uduzduğu üçün mütləq qələbə qazanmalı idi. Qəbələ şəhər stadionunda keçirilən oyunun birinci hissəsi qolsuz başa çatıb. 71-ci dəqiqədə gürcülər azlıqda qalıblar. “Qəbələ” istədiyi qolu oyunun yalnız 88-ci dəqiqədə vurub. Asif Məmmədov fərqlənib. Son dəqiqədə isə Aleksey Antonov oyunun hesabını və növbəti mərhələyə vəsiqəni rəsmiləşdirib: 2-0.
"Neftçi" isə səfərdə Monteneqronun "Mladost"u ilə qarşılaşıb. İlk oyun Bakıda 2:2 hesabı ilə yekunlaşdığı üçün komandamıza daha məhsuldar bərabərlik, yaxud da qələbə lazım idi. Oyunun ilk hissəsi heç-heçə başa çatıb. İkinci hissənin 71-ci dəqiqəsində Araz Abdullayev komandamızı hesabda irəli çıxarıb. Lakin “Neftçi” qələbə hesabını qoruya bilməyib. Oyunun əsas vaxtına əlavə edilmiş vaxtın birinci dəqiqəsində rəqib hesabı bərabərləşdirərək “Neftçi”ni avrokuboklardan kənarlaşdırıb.
Ömər Dağlı
-
Magazin111:01
Aktyor xalq artistinə belə cavab verdi: "Bu, onun başı üçün deyil"
-
Magazin110:31
Faiq Brillianta gözlənilməz sözlər dedi: "Allah bircə balasını..." - VİDEO
-
MDB10:21
FTX 5 ildir izləyirmiş: Generalın həbsinin detalları
-
Dünya09:48
İlber Ortaylıdan üzücü xəbər
-
Nida Xəbər 09:06
Köçəryan sərhədin müəyyənləşməsi haqda: Ola bilsin ki, mübahisəli ərazilərdən...
-
İdman08:24
Polis kluba BASQIN ETDİ: iki futbolçu zorlama ittihamı ilə saxlanıldı
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ