Dopinqdən istifadə edən idmançılarla bağlı SON QƏRAR VERİLDİ

Beynəlxalq Olimpiya Komitəsi tərəfindən dopinqdən istifadə ittihamı ilə 28 idmançıya verilən cəza geri götürülüb.

Publika.az xəbər verir ki, Beynəxalq İdman Arbitraj Məhkəməsi idmançıların şikayətlərinə əsasən istintaq işlərinə baxıb və kifayət qədər dəlil olmadığı üçün verilən cəza aradan qaldırılıb.

Qərar sayəsində artıq 28 rus idmançı olimpiya oyunlarında iştirak edə biləcək.

Daha 11 idmançının şikayəti qismən təmin edilib. Belə ki, bu 11 idmançı meydanlara geri qayıdacaq, ancaq sadəcə 2018-ci il Qış Olimpiadalarına qatıla bilməyəcəklər.

Kremlin sözçüsü Dmitri Peskov bundan sonra Moskvanın idmançıları qorumaq üçün əllərindən gələni edəcəklərini bildirib.

Qeyd edək ki, Beynəlxalq Olimpiya Komitəsi 5 dekabrda dopinq proqramından istifadəyə görə Rusiya milli komandasını Qış Olimpiadasından uzaqlaşdırmışdı. Bu qərar 40-dan çox idmançını əhatə etmişdi.

Rusiya prezidenti Vladimir Putin isə dünən cəza alan idmançılarla görüş keçirərək onlardan üzr istəmişdi.

Zümrüd