Qomis onu gücləndirən şeyi etiraf etdi: "Məndən bu qədər qorxmamaq lazımdır"

“Qalatasaray” komandasında ilk mövsümünü yaşamasına baxmayaraq, Super Liqanın ən çox qol vuran hücumçularından olan Bafetimbi Qomis “Socrates” dərgisinə müsahibə verib.

Publika.az xəbər verir ki, “Qarşılıqlı eşq” adlı 12 səhifəlik müsahibədə Qomis xüsusilə, irqçilik mövzusu ilə bağlı düşüncələrini paylaşıb.

Karyerası ərzində “Sent-Etiyen”, “Lyon”, “Svansea Siti”, “Marsel” və “Qalatsaray”da forma geyinən fransız futbolçu uşaqlıqdan bəri irqçiliyə qarşı mübarizə apardğını etiraf edib:

“Təəssüf ki, uşaqlığımdan bəri dərimin rənginə görə irqçi həqarətlərə məruz qaldım. Bir çox pis təcrübə yaşadım. Ancaq bu davranışlar məni daha da gücləndirdi. Bu sözləri deyənlərin mühakimələrini qırmaq üçün çox çalışdım. Fransa futbol dünyasında uzun zamandır qaradərili və qaçqın köklü futbolçularla bağlı bu mübahisə var. Amma yenə də hamımız Fransanın ən yaxşı futbolçuları arasındayıq və yaxşı pul qazanırıq. İrqçilik yanlış bilgilər, mühakimə və onun yaratdığı qorxu ilə əlaqəlidir. Qırılıb parçalanması isə mümkündür. Hər kəsin bir-birinə sayğılı, irq və ya cinsiyyət kimi bariyerləri yıxmış bir formada yaşaya biləcəyinə inanıram. Fransalı, türk, afrikalı, ağ, qara... Özünə oxşamayanlardan bu qədər qorxmamaq lazımdır”.

Zümrüd