İdman

Rəsul Çunayev uduzmağından danışdı: "Karyeramı bitimək istəyirdim"

3 May 2018 19:02

Rusiyanın Kaspiysk şəhərində güləş üzrə böyüklər arasında keçirilən Avropa çempionatının final mərhələsində ölkəmizi Rəsul Çunayev və Murad Məmmədov təmsil edib.

Publika.az xəbər verir ki, hər iki güləşçimizin rəqibi Rusiya təmsilçisi olub və hər ikisi finalda məğlub olaraq gümüş medala yiyələnib.

Rəsul Çunayev yarışdan sonra verdiyi açılqamada bildirib ki, son 1 ildə final mərhələsində uduzmağının səbəbi zədələrlə bağlıdır:

“Boynumda və belimdə müəyyən problemlər var. Ona görə də yüz faizlik məşqlərə qatıla bilmirəm. Məşqçilərim də təsdiq edə bilər. Son bir aya qədər mənim bu turnirdə iştirak edib-etməyəcəyim sual altında idi. Çünki karyeramı bitirmək istəyirdim”.