İdman
“Neftçi”də uşaqların qiyamı - Özəl
“Neftçi” komandasında maliyyə böhranının olması barədə məlumat vermişdik. Artıq 4 aydan yuxarıdır ki, komandada futbolçulara, texniki heyətə məvacib verilmir. “Neftçi” reklam əməkdaşlığına görə mətbuata olan borcunu da ödəyə bilmir.
Komandadakı maliyyə böhranı “Neftçi”nin uşaq futboluna da sirayət edib. Klubdakı mənbənin Publika.az-a verdiyi məlumata görə, “Neftçi”nin uşaq futbolunda qiyam baş verib. Qiyama səbəb isə uşaqların məşq yerinin dəyişdirilməsinə cəhd olub.
“Neftçi”nin uşaqlardan ibarət qrupları milli olimpiya komandalarının təlim-məşq bazasında (“Neftçibaza” adlanan məkanda) hazırlıq keçir. Bu baza şəhərin mərkəzində - Azadlıq prospektində yerləşdiyi üçün valideynlər uşaqlarını məşqə rahat gətirə bilir.
Ancaq klubda yaşanan maliyyə böhranı “Neftçi”ni bu bazadan imtina etməyə vadar edib. Klub icarə haqqı olaraq hər ay bazaya 7 min manat ödəməlidir. Artıq 5 aydır ki, vəsait ödənilmir. Baza rəhbərliyi isə borcu tələb edir. Vəziyyətin cıxılmaz olduğunu görən klub rəhbərliyi uşaqları Lökbatanda yerləşən stadiona köçürmək istəyir.
Ancaq uşaqların valideynləri bu qərarla razılaşmır. Avqustun 3-də milli olimpiya komandalarının təlim-məşq bazasında valideynlərin etiraz aksiyası keçirilib. Onlar klub rəhbərliyindən tələb ediblər ki, bazaya borc ödənilsin və uşaqlar burda məşq keçsinlər.
Valideynlər bildiriblər ki, əks təqdirdə, uşaqlarını “Netçi”dən ayıracaqlar. Valideynlərlə söhbət edən “Neftçi” rəhbərliyi uşaqların Lökbatana aparılıb-gətirilməsi üçün avtobus ayrılacağını bildirsə də, valideynlər buna inanmayıblar. Onlar “avtobusa verməyə pulunuz varsa, elə bazaya olan borcu ödəyin” deyiblər.
Valideynlər bildiriblər ki, bu bazada “Neftçi”nin 40-a yaxın uşaq qrupu məşq keçir və klubun onları Lökbatana aparmaq üçün avtobus ayırması mümkünsüzdü.
Məsələ hələ ki açıq qalır. “Neftçi” rəhbərliyi “Çixura” ilə oyundan sonra valideynlərlə bir daha görüşmək niyyətindədir. Hazırda Gürcüstanda olan “Neftçi” rəhbərliyinin münasibətini öyrənə bilmədik. Məsələni gündəmdə saxlayacağıq.
-
İdman23:22
"Real" "Bavariya"ya qarşı - CANLI
-
Hadisə21:59
Hoteldə zəhərlənən dostlarla bağlı FAKTLAR: Qonaqlıq buna görə təşkil edilibmiş... - FOTO
-
Qoroskop20:55
Yeni ay bu 3 bürcü sevindirəcək – Şans onlardan yanadır
-
Magazin119:40
“Mənə Avroviziyadan yazana söyüş qoymuşam” - Aparıcı
-
Kriminal18:30
Tanınmış modeli döyməkdə təqsirləndirilən biznesmendən xəbər var - Külli miqdarda pul mənimsəyib?
-
İdman17:49
Dünya çempionu Messinin yanına gedir? - Müəmmalı paylaşım
-
MDB16:54
Fransız qoşunları Rusiyanın hədəfinə çevriləcək - Zaxarova hədələdi
-
MDB16:18
Rusiya ordusu Ukraynanın daha iki yaşayış məntəqəsini tutdu