• USD 1,7000 0,00% EUR 1,9208 -0,23%
    • GBP 2,2592 -0,02% RUB 0,0230 +0,43%

Dünya çempionu 3-cü dəfə tələbə oldu

  • İdman
  • 21 Oktyabr 2021 11:21
Dünya çempionu 3-cü dəfə tələbə oldu

Yunan-Roma güləşi üzrə dünya çempionu Rəsul Çunayev yenidən universitetə qəbul olub.

Publika.az xəbər verir ki, 30 yaşlı güləşçi bu barədə İnstaqramda məlumat yayıb. O bildirib ki, Prezident yanında Dövlət İdarəçilik Akademiyasına qəbul olub:

“Uşaq olarkən təhsilin əhəmiyyətini anlamadığım vaxtlarda məktəbə getməyi heç sevməz, dərs oxumaq istəməzdim. Amma böyüdükcə anladım ki, təhsilin insan həyatında böyük və mühüm bir rolu var. Əgər Vətəninə, xalqına xeyirli bir övlad olmaq istəyirsənsə, lazım olan əsaslardan biri də təhsildir. Yəni təhsil, həqiqətən də bir millətin gələcəyidir.

İndi isə Azərbaycan Respublikasının Prezidenti yanında Dövlət İdarəçilik Akademiyasının tələbəsiyəm və təhsil həyatında 3-cü dəfə universitet oxuyacaq bir tələbə kimi demək istəyirəm ki, təhsil almaq üçün heç bir vaxt gec deyil. Siz də mənim kimi sonradan peşman olmayasınız deyə, verəcəyim ən önəmli tövsiyələrdən biri də budur ki, təhsili öz həyatınızda əhəmiyyətli tutun. Çünki savad hər sahədə lazımlı və vacibdir”.

Məlumat üçün bildirək ki, Rəsul Çunayev bundan öncə Azərbaycan Dövlət Bədən Tərbiyəsi və İdman Akademiyası və Bakı Dövlət Universitetində ali təhsil alıb.

Halal Nemət

Xəbər lenti

DAHA ÇOX XƏBƏR