İdman

"Bakı Gimnastika Məktəbinin potensialı çox güclüdür"

15 Oktyabr 2014 00:34

"Biz bu gün Bakıda daha bir gimnastika bayramı yaşadıq. Zəngin ənənələrə malik olan Bakı Gimnastika Məktəbinin potensialı çox güclüdür. Məktəbin məzunları qitə, dünya, hətta Olimpiya çempionları da olublar".

Publika.az AzərTac-a istinadən xəbər verir ki, bu sözləri Bakı Gimnastika Məktəbində keçirilən gimnastika axşamında iştirak edən Azərbaycan Gimnastika Federasiyasının vitse-prezidenti Altay Həsənov deyib.

O, Bakıda keçirilmiş bədii gimnastika üzrə Avropa çempionatında milli komandamızın uğurlu çıxışını xüsusi vurğulayıb. “Bakı-2015” birinci Avropa Oyunlarında idmançılarımızın yaxşı nəticələr əldə edəcəklərinə ümidvar olduğunu söyləyib.

Milli Gimnastika Arenasının istifadəyə verildiyini xatırladan Altay Həsənov əsas yığmanın bu arenada məşq etdiyini söyləyib.

O, paytaxtla yanaşı, bölgələrimizdə də idman kokomplekslərinin yaradıldığını, bu sahədə inkişafın getdiyini diqqətə çatdırıb.