İdman

Flik fitə basılan ulduz futbolçuya sahib çıxdı

30 Noyabr 2024 11:26

“Barselona”nın baş məşqçisi Hans-Diter Flik komandanın azarkeşlərinin yarımmüdafiəçi Frenki de Yonqa qarşı fit çalmasına münasibət bildirib.

Publika.az xəbər verir ki, almaniyalı mütəxəssis bu sözləri deyib:

“Biz Frenkini dəstəkləyirik. Çoxlu mərkəz yarımmüdafiəçilərimiz var və kimin 100% hazır olduğuna mən qərar verməliyəm. Hazır olanda onu yenidən istifadə edəcəyəm.

Vəziyyət ondan ibarətdir ki, onun oyun praktikası var və irəliləyir. Mən ona bu dəqiqələri verəcəm və məşqdə fiziki cəhətdən 100% hazır olduğunu sübut etməlidir”.

Qeyd edək ki, 27 yaşlı yarımmüdafiəçi Çempionlar Liqasında “Brest”lə ev oyununda (3:0) 88-ci dəqiqədə Pedrini əvəzlənən zaman tribunalar tərəfindən fitə basılıb.