Məşhur futbolçunun atası oğlunun “lipa” olduğunu dedi: “Borussiya” bəyanat yaydı

Dortmund “Borussiya”sı hücumçu Yussuf Mukokonun atasının iddiası ilə bağlı bəyanat yayıb.

Publika.az xəbər verir ki, atası oğlunun sənədlərdə göstərildiyi kimi 20 noyabr 2004-cü ildə deyil, 19 iyul 2000-ci ildə anadan olduğunu bildirib.

“Yussuf Mukokonun bioloji valideynləri və doğum tarixi rəsmi şəxsiyyəti təsdiq edən sənədlərdə və alman hakimiyyət orqanları tərəfindən verilmiş doğum haqqında şəhadətnamədə göstərilib. Bu sənədlər bu gün də qüvvədədir və həm Almaniyada, həm də xarici klublarda və təbii ki, Almaniyanın U21 milli komandasında oynamaq hüququ əldə etmək üçün də əsasdır.

Nəzərə alın ki, yuxarıda qeyd olunan sənədlərdə adları çəkilən futbolçu və onun bioloji valideynləri bizə, valideynlərə münasibətdə, hətta məhkəmə icraatı çərçivəsində and içmiş üçüncü şəxslərə yuxarıda qeyd olunan rəsmi sənədlərdə əks olunan məlumatların doğru olduğunu bildiriblər.

Bu vəziyyət, əlbəttə ki, bizim, Almaniya Futbol Assosiasiyası və oyunçunun hazırkı klubu “Nitsa” üçün həlledici əhəmiyyət kəsb edir”, – “Sky Sport Germany” “Borussiya”nın bəyanatından sitat gətirib.