Rusiyalı səfirin qətli: Türkiyə təşkilatçını gizlədən ölkənin adını açıqladı

İnterpol Rusiya Federasiyasının Ankaradakı səfiri Andrey Karlovun qətlində şübhəli bilinən Cemal Karaatanın Türkiyəyə ekstradisiyası ilə bağlı fəal mübarizə aparmır. Baxmayaraq ki, Türkiyə hüquq-mühafizə orqanları onun yeni adını və yaşayış yerini müəyyən ediblər və bu məlumatları Kanadadakı həmkarlarına ötürüblər.

Publika.az xəbər verir ki, bu barədə türkiyəli politoloq Engin Özer “RİA Novosti”yə bildirib.

Əvvəllər Karaatanın Kanadada yaşadığı, yeni Salih Ada adını götürdüyü və praktik psixoterapevt kimi qeydiyyatdan keçdiyi müəyyən edilmişdi. Lakin o, təhlükəsizlik xidmətlərində qeydiyyatdan keçməmişdi. Agentliyin mənbəsinə görə, Kanada hakimiyyətinin Karaatanı ekstradisiya etməkdən imtina etməsi ciddi suallar doğurur.

Özer əlavə edib ki, bir qayda olaraq, Qərb respublikada qadağan olunmuş FETÖ təşkilatı ilə əlaqədə ittiham olunan Türkiyə vətəndaşlarını onlara siyasi qaçqın statusu verdiyini iddia edərək ekstradisiya etmir.

"Lakin bu halda söhbət siyasi fəaliyyətdən deyil, qətlə təhrik ittihamlarından gedir. Ankaranın fikrincə, inandırıcı dəlillər bazası var, lakin İnterpol heç bir tədbir görmür", - türkiyəli politoloq vurğulayıb.

Rusiyanın Türkiyədəki səfiri Andrey Karlov 20 dekabr 2016-cı ildə Ankarada keçirilən foto sərginin açılışında sui-qəsdə uğrayıb. 22 yaşlı Mövlud Mert Antintaş diplomatı silahla kürəyindən bir neçə dəfə vurub. Təhlükəsizlik qüvvələri silahlı şəxsi tez bir zamanda zərərsizləşdirib.