İdman

"Qarabağ" sonuncu dəqiqədə vurulan qola sevindi - VİDEO

19 Dekabr 2024 16:14

Bu gün Azərbaycan Premyer Liqasında 3-cü turdan təxirə salınmış bir oyun keçirilib.

Publika.az xəbər verir ki, lider "Qarabağ" Şamaxıda şəhərin eyniadlı komandasının qonağı olub. Görüş Ağdam təmsilçisinin minimal hesablı qələbəsi ilə başa çatıb. "Köhlən atlar"a qələbə gətirən qolu 90+4-cü dəqiqədə Musa Qurbanlı vurub.

Qeyd edək ki, bu qələbədən sonra xallarının sayını 44-ə çatdıran "Qarabağ" zirvədəki yerini möhkəmləndirib. Qurban Qurbanovun yetirmələri ən yaxın izləyicisi olan "Araz-Naxçıvan"ı artıq 5 xal qabaqlayır.

"Şamaxı" isə 14 xalla 8-cidir.

Azərbaycan Premyer Liqası, 3-cü turdan təxirə salınan oyun
19 dekabr
14:00 “Şamaxı” – “Qarabağ” 0:1
Qol: Musa Qurbanlı, 90+4
Hakimlər: Rəşad Əhmədov, Vüsal Məmmədov, Teymur Teymurov, Rauf Allahverdiyev
Şamaxı şəhər stadionu.

Heybət