İdman

Almaniya idmanında qalmaqal: Millinin üzvü zorakılığa məruz qalıb?

31 Dekabr 2024 14:05

2017-ci il bədii gimnastika üzrə dünya çempionatının bürünc mükafatçısı olan Tabea Alt Almaniya idmanınıda qalmaqala səbəb olan açıqlama verib.

Publika.az xəbər verir ki, o, milli komandanın məşqçiləri tərəfindən amansız rəftara məruz qalması ilə bağlı məlumat paylaşıb:

"Səhhətimlə bağlı həkimlərin tövsiyələrinə məhəl qoymayaraq, qəsdən hərəkətlər edilib. Zədələrimə baxmayaraq, fiziki məşqlərə məcbur oldum və yarışlara göndərildim. Bu, dəfələrlə baş verib.

Mənim vəziyyətimdə qeyri-adi heç nə yox idi. Yemək pozğunluğu, cəzalandırma, ağrıkəsicilərdən istifadə, hədə-qorxu və alçaldılma gündəlik həyatımın bir hissəsi idi".

Almaniya Gimnastika Federasiyası 24 yaşlı idmançıya qarşı fiziki və psixoloji zorakılıq iddiaları ilə bağlı araşdırma aparmaq niyyətində olduğunu bildirib.

Qeyd edək ki, Alt davamlı zədələr səbəbindən 2021-ci ildə 21 yaşında karyerasını bitirib.

Heybət