Region

Köçəryan 2025-i Ermənistan üçün “ən ağır il” adlandırdı: Təhqir olunduq

31 Dekabr 2025 14:05

Ermənistanın keçmiş prezidenti Robert Köçəryan 2025-ci ili Ermənistan dövlətçiliyi üçün çətin bir il adlandırıb.

Publika.az xəbər verir ki, o, 2025-i davam edən geosiyasi təhqir və milli dəyərlərin tapdalanması fonunda yaşanmış bir il kimi təsvir edib.

Köçəryan əmindir ki, birgə səylər sayəsində "məğlubiyyətlərin, səhvlərin və rüsvayçılıqların çarxını dayandırmaq" mümkün olacaq.

Onun Yeni il təbrikində deyilir: "Növbəti Yeni ili əsl sülh, milli birlik və həmrəylik atmosferində qeyd edə bilmək üçün hər birimizdən tələb olunan hər şeyi etməliyik, ən yaxşı milli keyfiyyətlərimizi nümayiş etdirməliyik. İnanıram ki, birgə və davamlı iş sayəsində belimizi düzəldə, milli kimliyimizi bərpa edə və ölkəmizi yenidən ayağa qaldıra, dünyada layiqli yerini geri ala biləcəyik".

Qeyd etmək lazımdır ki, Ermənistanda parlament seçkiləri 2026-cı ilin iyun ayında keçiriləcək. Ekspertlər artıq bu seçkiləri ölkənin gələcək inkişafı üçün həlledici adlandırıblar.

Tural