"Bazar trendləri" pərdəsi: Qərb SSRİ və Rusiyadan trilyonları belə alıb

Onilliklərdir ki, Rusiya neft qiymətlərinin süni şəkildə aşağı salınması səbəbindən trilyonlarla dollar itirib.

Publika.az xəbər verir ki, bu barədə Sankt-Peterburq Beynəlxalq Ticarət Birjasının (SPIMEX) prezidenti İqor Artemyev "Rossiya-24" televiziya kanalında bildirib. Onun sözlərinə görə, beynəlxalq agentliklərin yalnız treyderlərin sorğularına əsaslanan qeyri-şəffaf metodları illərdir Rusiya gəlirlərinin gizli şəkildə çıxarılması üçün bir vasitə kimi xidmət edir.

Artemyev bildirib ki, hətta Sovet dövründə və hətta indi də Rusiya, neft və neft məhsullarının qiymətlərinin aşağı salınması ilə milyardlarla deyil, trilyonlarla dollar itirib.

Birjanın baş direktoru vurğulayıb ki, "bazar trendləri" pərdəsi genişmiqyaslı manipulyasiya üçün şəraiti gizlədir: "Onilliklər ərzində bu, sadəcə bir trend idi, bizə deyilirdi ki, orada, qlobal bazarlarda nəsə formalaşır. Düşünürəm ki, şəffaflığın olmaması nəzərə alınmaqla, burada manipulyasiya üçün çox ciddi şərait yaranır".

Bu prosesi dayandırmaq üçün 2025-ci ildə Rusiyada Milli Birja Qiymətləndirmə Agentliyi yaradıldı. Yeni struktur neft sənayesində vergilərin hesablanması üçün Qərb göstəricilərini tamamilə əvəz etmək məqsədi daşıyır. Xarici metodlardan fərqli olaraq, yerli agentlik faktiki likvid ticarətdən əldə edilən məlumatlara və müvafiq nazirliklərin məlumatlarına əsaslanır.

Tural