Trampa cavab: Daha iki ölkə ABŞ vətəndaşlarına girişi qadağan etdi

Daha iki Afrika ölkəsi - Burkina Faso və Mali Trampın bu ölkələrin sakinlərinə viza verməkdən imtina qərarına cavab olaraq ABŞ vətəndaşlarının girişini qadağan edir.

Publika.az xəbər verir ki, bu açıqlamalar Qərbi Afrika ölkələrinin hərbi hökumətləri ilə ABŞ arasında soyuq münasibətlərdə son dönüş nöqtəsidir.

"The Guardian" qəzetinin verdiyi məlumata görə, Mali və Burkina Faso Donald Trampın Mali və Burkina Faso vətəndaşlarının ABŞ-a girişini qadağan etmək qərarına cavab olaraq ABŞ vətəndaşlarının ölkələrinə girişini qadağan edəcəklərini bildiriblər.

Mali Xarici İşlər Nazirliyinin açıqlamasında deyilir: “Qarşılıqlılıq prinsipinə uyğun olaraq, Xarici İşlər və Beynəlxalq Əməkdaşlıq Nazirliyi milli və beynəlxalq ictimaiyyəti məlumatlandırır ki, dərhal qüvvəyə minməklə Mali Respublikası hökuməti ABŞ vətəndaşlarına Mali vətəndaşlarına tətbiq edilən eyni şərtləri və tələbləri tətbiq edəcək”.

Burkina Fasonun xarici işlər naziri Jan-Mari Karamoko Traorenin imzaladığı başqa bir bəyanatda Amerika vətəndaşlarının Burkina Fasoya girişinin qadağan edilməsinin oxşar səbəbləri göstərilib.

Ağ Ev, Afrika vətəndaşlarına səyahət qadağasının səbəblərindən biri kimi silahlı qrupların davamlı hücumlarını göstərib.

Tural