İdman

Məcburi titul döyüşünə çıxmalı idi: Tibbi möhlət istədi

10 Avqust 2025 12:25

Yarımağır çəkidə (79,4 kq-a qədər) dünya çempionu, rusiyalı boksçu Dmitri Bivol titulunu qorumaq üçün tibbi möhlət verilməsi xahişi ilə IBF-yə müraciət edib.

Publika.az xəbər verir ki, bu barədə “BoxingScene” məlumat yayıb.

Bivol 2025-ci il iyulun 1-dək almaniyalı Maykl Eyfertə qarşı döyüşdə titulunu məcburi müdafiə etməli idi.

Xatırladaq ki, bir müddət əvvəl Bivol köhnə bel zədəsi ilə bağlı problemlərin pisləşməsi fonunda əməliyyatdan sonra sağalmağa başladığını açıqlamışdı.

Xatırladaq ki, fevralın 23-də Ər-Riyadda (Səudiyyə Ərəbistanı) baş tutan sonuncu döyüşündə Dmitri həmyerlisi Artur Beterbiyevlə rinqi bölüşmüşdü. Boksçular üçün bu, cavab görüşü idi. Döyüş bütün 12 raund davam edib və hakimlərin qərarı ilə Dmitri qalib gəlib (114-114, 116-112, 115-113).

Beləliklə, Bivol yüngül çəkidə boks üzrə mütləq dünya çempionu olub.