Məhkəmə hakimlə bağlı qərar verdi: Seksual cinayətkarın qurbanlarının sayı nə qədərdir?

İngiltərə Futbol Liqasının sabiq futbol hakimi üç azyaşlı qıza qarşı seksual cinayətlərə görə 13,5 il müddətinə həbs olunub.

Publika.az "The Athletic"ə istinadən xəbər verir ki, Milton-Keyns sakini, 47 yaşlı Qarett Vikkars daha əvvəl 15 yaşlı üç qıza qarşı 16 seksual cinayətdə təqsirini etiraf etdikdən sonra həbs olunub. O, həmçinin ömürlük seksual cinayətkarlar qeydiyyatına daxil edilib.

Sneyersbruk Krallıq Məhkəməsində hökm oxunduğu zaman hakim Karolayn İngliş Vikkarsa bildirib ki, onun davranışı israrlı, manipulyativ və yırtıcı hesab olunub.

Hökm oxunduqdan sonra Londondakı Şəhər Polisi hər kəsi, özlərini və ya uşaqlarını Vikkarsın potensial qurbanı hesab edirsə, məhkəməyə müraciət etməyə çağırıb. Baş detektiv-inspektor Ross Morrell bildirib: “Biz bilirik ki, Vikkars "Snapchat" üzərindən yüzlərlə gənc qıza mesaj göndərib. O, dəhşətli cinayətlərə görə məhkum olunub. Hesab edirik ki, digər qurbanlar da mövcuddur və onların sayı yüzlərlə ola bilər”.

Heybət