İdman

Özbəkistan millisini DÇ-2026-ya dünya çempionu və "Qızıl top"un sahibi aparacaq - RƏSMİ

6 Oktyabr 2025 17:23

Özbəkistan Futbol Assosiasiyası Fabio Kannavaronu milli komandanın baş məşqçisi təyin edib.

Publika.az xəbər verir ki, bu barədə qurumun mətbuat xidməti məlumat yayıb.

Müqavilənin müddəti 2026-cı il dünya çempionatı başa çatana qədər nəzərdə tutulub.

Kannavaronun sonuncu klubu 2025-ci ilin yazında ayrıldığı “Dinamo” (Zaqreb) olub. Onun rəhbərliyi altında komanda 14 oyunda 7 qələbə qazanıb, 5 dəfə uduzub və 2 dəfə heç-heçə edib. Tanınmış sabiq futbolçunun məşqçi karyerasında həmçinin “Udineze” və “Benevento” klubları da yer alıb.

Xatırladaq ki, Özbəkistan millisi tarixində ilk dəfə 2026-cı il dünya çempionatında iştirak edəcək. Komanda seçmə mərhələyə Sloveniya mütəxəssisi Sreçko Katançın rəhbərliyi altında başlayıb. O, yanvar ayında səhhətindəki problemlərə görə vəzifəsindən ayrılıb.

Qeyd edək ki, Fabio Kannavaro futbolçu kimi İtaliya millisi ilə DÇ-2006-nın qalibi olub və həmin il "Qızıl top" mükafatını qazanıb.

Heybət

Каннаваро офіційно очолив Узбекистан