İdman

“Ferrari” dəyər itirdi: Rekord həddə

11 Oktyabr 2025 05:15

“Ferrari” şirkətinin Avropadakı səhmlərinin dəyəri 16 faizdən çox azalıb.

Publika.az xəbər verir ki, bu, brendin 2016-cı ildə birjaya çıxışından bəri qeydə alınan ən böyük eniş olub. Nəticədə şirkətin kapitallaşması 13,5 milyard avro azalıb. Günün sonunda səhmlər bir qədər bərpa olunsa da, ticarət bağlanarkən ümumi düşüş 15,4 faiz təşkil edib.

Kəskin enişin səbəbi “Ferrari”nin açıqladığı maliyyə proqnozu olub. Şirkət 2030-cu ilə qədər 3,6 milyard avro mənfəət əldə etməyi planlaşdırır, lakin gəlir artımının gözləniləndən daha aşağı templə gedəcəyi bildirilir. Məhz bu açıqlama investorların narahatlığına və bazarda satış dalğasına səbəb olub.

“Bloomberg”in məlumatına görə, ilin əvvəlindən bəri “Ferrari”nin səhmləri 2 faiz artmışdı, lakin cümə axşamkı enişdən sonra ümumi illik göstərici təxminən 12 faiz mənfi nəticə verib.