İdman

Ralli zamanı faciə: Avtomobil aşdı, sürücü yanaraq can verdi – FOTO

13 Oktyabr 2025 02:43

Polşada ralli zamanı faciə baş verdi (Rajd Nyski).

Publika.az xəbər verir ki, yarış bazar günü, oktyabrın 12-də baş tutub. “Starı Las” xüsusi mərhələsində BMW markalı avtomobil sürüşərək yoldan çıxaraq ağaca çırpılıb və alovlanıb.

Yerli polisin məlumatına görə, ətrafdakıların yardım göstərmək cəhdlərinə baxmayaraq, 40 yaşlı sürücü hadisə yerində ölüb. Onun köməkçi sürücüsü sağ qalıb və yanıq xəsarətləri ilə xəstəxanaya aparılıb.

TVN24-ün məlumatına görə, yanğınsöndürmə idarəsinin nümayəndəsi bildirib ki, xilasedicilər gələn zaman avtomobil artıq tamamilə alovlara bürünübmüş. Təşkilatçılar yarışın ləğv edildiyini elan edərək, qərarın həlak olanlara və onların ailələrinə hörmətlə verildiyini vurğulayıb. Onlar mərhumun ailəsinə başsağlığı verib, digər sürücünün tezliklə sağalmasını arzulayıblar.