İdman

Klopp inancından danışdı: Əgər din bunu bacarmırsa…

21 Oktyabr 2025 07:15

“Liverpul”un sabiq baş məşqçisi Yurgen Klopp maraqlı açıqlama verib.

Publika.az xəbər verir ki, o, dinlərə münasibəti barədə danışıb:

“Mənim üçün dinin əsas mahiyyəti birgə yaşamaqdır. Sadəcə öz rifahımızı düşünməməliyik. Təkbaşına yaxşı vəziyyətdə olmaq əsas məsələ deyil. Hamımızın həyatda və karyerada irəli getmək istəməyimiz tamamilə təbiidir, amma ən vacibi bir-birimizlə əməkdaşlıq etməyə, birgə yaşamağa çalışmaqdır. Mənim inancım da məhz bunun üzərində qurulub.

Əlbəttə, mən sağlam düşüncəyə inanıram. Düşünürəm ki, ən yaxşı din insanlara kömək edən dindir. Əgər din bunu bacarmırsa, deməli, o mənim üçün deyil.

Əslində söhbət tolerantlıqdan gedir. Bu, elə də çətin deyil. Bizim yaşadığımız dünya gözəldir, amma o, bir-iki nəfər üçün yox, hamımız üçündür. Məncə, düzgün inanc bunun təminatında köməkçi ola bilər.

Amma hansı yolun doğru olduğunu bilmirəm, sadəcə mənə uyğun olanı bilirəm. Mən heç vaxt Tanrının və İsanın varlığına şübhə etməmişəm”.