İdman

"Real" ulduz futbolçu ilə danışıqlarda perspektiv görmür: Axırı necə olacaq?

13 Noyabr 2025 17:47

“Real” klubu braziliyalı hücumçu Vinisius Juniorla yeni müqavilə məsələsində çətin vəziyyətə düşüb.

Publika.az xəbər verir ki, son altı ayda “kral klubu” bir neçə dəfə danışıqlara başlamağa cəhd etsə də, məsələ hər dəfə futbolçunun maliyyə tələblərinə dirənib. Son məlumatlara görə, Vinisius klub rəhbərliyindən komanda yoldaşı Kylian Mbappe ilə eyni maaş tələb edir.

“Real” nümayəndələri isə futbolçunun menecerlərinə belə bir tələbin heç bir halda yerinə yetirilməyəcəyini bildirib və əvəzində öz şərtini irəli sürüb. Ya Vinisius öz istəklərini azaldır, ya da qış transfer pəncərəsi zamanı 150 milyon avroya satıla bilər.

Hazırda Avropa klubları bu məbləğə braziliyalıya maraq göstərmir, buna görə də əsas variant kimi Səudiyyə Ərəbistanı qalır.

Qeyd edək ki, onun hazırkı müqaviləsi 2027-ci ilə qədər qüvvədədir. Bu mövsüm Vinisius 22 oyunda 6 qol vurub və 5 məhsuldar ötürmə edib.

Heybət