İdman

"Çelsi"nin ulduzunun başına iş gəldi: Evdə...

21 Noyabr 2025 17:22

"Çelsi"nin yarımmüdafiəçisi və İngiltərə yığmasının üzvü Kol Palmer yaxın vaxtlarda meydana qayıda bilməyəcək.

Publika.az xəbər verir ki, bu barədə BBC məlumat yayıb.

Məlumata görə, 23 yaşlı yarımmüdafiəçi yeni zədə alıb. Söhbət futbolçunun evdə məişət şəraitində aldığı ayaq barmağı sınığından gedir.

"Biz şənbə günkü Bernli ilə oyunda ona arxalana bilməyəcəyik, həmçinin o, "Barselona" və "Arsenal" ilə matçlarda da iştirak etməyəcək. Təəssüf ki, evdə hadisə baş verib və o, ayaq barmağını sındırıb. Ciddi heç nə yoxdur, amma o, gələn həftə qayıtmayacaq", - deyə "Çelsi"nin baş məşqçisi Enzo Mareska bildirib.

Xatırladaq ki, Palmer cari mövsümün böyük bir hissəsini qasıq zədəsinə görə buraxmışdı. Onun dönüşü məhz noyabr ayına planlaşdırılmışdı. İngilis futbolçunun bu mövsüm "Çelsi"nin heyətində 4 matçda 2 qolu var.

Heybət