Əfsanənin bahalı restoranı yandı - VİDEO

Əfsanəvi yüngül atlet Useyn Boltun Yamaykanın Monteqo Bey şəhərində yerləşən "Tracks & Records" adlı restoranı yanıb.

Publika.az xəbər verir ki, bu barədə "Metro.co.uk" məlumat yayıb.

Hadisə gecə saat bir radələrində baş verib. Yanğınsöndürənlər hadisə yerinə çatanda üst mərtəbə artıq alova bürünüb. Yanğın qısa müddətdə nəzarət altına alınsa da, ciddi ziyanın qarşısını almaq mümkün olmayıb.

Ən çox zərər məhz üst mərtəbələrə dəyib. Yemək zalı, bar, tualetlər və ofis otaqları ciddi ziyan görüb. Tam zərərin həcmi restoran sahiblərinin əmlak qiymətləndirməsi başa çatdıqdan sonra məlum olacaq. İlkin müşahidələrə əsasən dağıntıların böyük olduğu bildirilir.

Qeyd olunur ki, güclü yanğına baxmayaraq, xəsarət alan olmayıb.

"Tracks & Records" 2018-ci ildə açılıb və Yamaykanın ən çox turist ərazilərindən biri olan "Hip-Strip"də yerləşir.

Qeyd edək ki, 39 yaşlı Useyn Bolt idman tarixinin ən böyük atletlərindən biridir. O, 3 Olimpiya Oyununda 8 qızıl medal qazanıb. O, həm də 2009-cu il dünya çempionatında 100 metri 9,58 saniyəyə qaçaraq bu məsafənin dünya rekordçusu olub.

Heybət

Fire tore through the popular Usain Bolt’s Tracks and Records restaurant on Gloucester Avenue in Montego Bay, St James, early Saturday morning. The blaze, which began around 1 a.m., left extensive damage to the eatery. pic.twitter.com/PKSKYhCcK9

— Jamaica Gleaner (@JamaicaGleaner) November 22, 2025