Əfsanəvi qapıçının üçüncü evliliyi: Onu yoldan çıxaran gözəl kimdir? - FOTOLAR

Santyaqo Kanisaresi xatırlayırsınız? 2000-ci illərin əvvəlində La Liqanı 2 dəfə qazanan, 2 dəfə Çempionlar Liqasının finalına çıxan və UEFA Kubokunu götürən "Valensiya"nın parlaq qapıçısını unutmaq olar?

Publika.az xəbər verir ki, 55 yaşlı ispaniyalının həyatı hələ də aktivdir. O, bu yaxınlarda evlənib.

Tanış olun, Noemi onun həyat yoldaşıdır. Cütlük noyabrın 14-də Valensiya yaxınlığında dəbdəbəli bir məkanda toy edib.

"Biz dünən sevgimizi daha da gözəlləşdirən insanların əhatəsində qeyd etdik. Bu, ömürlük qiymətli xatirələrdir! Hər şeyi unudulmaz etdiyiniz üçün təşəkkür edirəm!" - deyə Noemi sosial şəbəkədə yazıb.

Noemi, Kanisaresin üçüncü həyat yoldaşıdır. Futbolçunun əvvəlki evliliklərindən 7 övladı var. Birinci xanımından 3, ikincidən 4 uşağı dünyaya gəlib. Onun oğlu Lukas "Real" akademiyasının yetirməsidir və hazırda Portuqaliyanın "Tondela" klubunda oynayır.

2018-ci ildə Kanisares 5 yaşlı oğlu Santinin xərçəngdən vəfat etdiyini açıqlamışdı. O zaman belə demişdi: "Mən həmişə ölümdən qorxmuşdum. Amma artıq qorxmuram. Bu dünyanı tərk etdiyim gün oğlumla görüşəcəyəm. Mənə qalan tək təsəlli budur".

Keçmiş qapıçı ikinci həyat yoldaşı Maite Qarsiya ilə ayrılığı da çox ağır keçirmişdi. İndi isə o, nəhayət ki, daxili sakitliyini tapıb və xoşbəxtdir. Bu ay 56 yaşı tamam olacaq oyunçunun indiki görüntüsü də bunu təsdiqləyir.

Noemi haqqında demək olar ki, heç nə məlum deyil. O, sosial şəbəkələrdə sakit həyat sürür və Santyaqo ilə ilk fotosunu 25 iyul 2025-ci ildə paylaşmışdı. Görünən budur ki, Kanisares həmin gün ona evlilik təklifi edib.

Publika.az