İdman

Koxalski Avropa nəhənglərinin hədəfində: Biri transfer etmək istəyir, digəri isə...

2 Dekabr 2025 17:43

"Qarabağ"ın qapıçısı Mateuş Koxalski daha bir Avropa nəhənginin maraq dairəsinə düşüb.

Publika.az xəbər verir ki, bu barədə İtaliyanın nüfuzlu "Corriere dello Sport" nəşri məlumat yayıb.

Bildirilir ki, polşalı qapışı A Seriyasının son qalibi "Napoli"nin diqqətini çəkib. 25 yaşlı qapıçı UEFA Çempionlar Liqasının 5-ci turunda "Qarabağ"ın heyətində Neapol təmsilçisinə qarşı uğurlu çıxış etməklə qarşı tərəfdə maraq oyadıb.

Almaniyanın "Borussiya Dortmund" klubu isə "Napoli"dən fərqli olaraq, maraqlanma mərhələsini keçib və Koxalskini transfer etmək istəyir. Onun artıq qış transferi pəncərəsi dövründə "Qarabağ"dan Almaniya təmsilçisinə transfer oluna biləcəyi iddia edilir.

Qeyd edək ki, Polşa millisinin üzvünün Azərbaycan çempionu ilə müqaviləsi 2027-ci ilin yayında başa çatır.

Heybət