Mbappenin simulyasiyası gündəm oldu: Əsrin yıxılması - VİDEO

"Real"ın ulduzu Kilian Mbappe sosial şəbəkələrin gündəminə çevrilib.

Publika.az xəbər verir ki, amma buna təkcə futbol bacarığı deyil, aktyorluq qabiliyyəti də səbəb olub.

Madrid klubunun üzvü "Atletik Bilbao" ilə oyunda (3:0) dubl edib və bir məhsuldar ötürmə verib. Lakin sosial şəbəkələrdə ən çox müzakirə olunan epizod onun qolu yox, penalti qazanmaq üçün etdiyi “aktyorluq” cəhdi olub.

Hücumların birində Kilian cinahdan cərimə meydançasına daxil olub, amma topa nəzarəti itirdiyini və ona çata bilməyəcəyini anlayan kimi dramatik oyuna üstünlük verib. O, iki rəqib futbolçunun arasında nümayişkaranə şəkildə yıxılıb. Görüntülərdə isə açıq-aydın görünür ki, heç bir kontakt olmayıb.

Sosial şəbəkələr dərhal reaksiyaya verib – memlər, zarafatlar və montajlar bir-birinin ardınca yayılıb. “Əsrin yıxılması” adlandırılan epizodun videosu bir gecədə bir neçə milyon baxış və 250 mindən çox bəyənmə toplayıb.

Xatırladaq ki, 26 yaşlı hücumçu bu mövsüm La Liqada 15 oyunda 16 qol və 4 məhsuldar ötürmə ilə çıxış edir.

Heybət