Bu gün DÇ-2026-nın püşkü atılacaq

Bu gün 2026-cı il dünya çempionatının püşkatma mərasimi keçiriləcək.

Publika.az xəbər verir ki, tədbir Vaşinqtondakı Kennedi Mərkəzində keçiriləcək. Mərasim Bakı vaxtı ilə saat 21:00-da başlayacaq.

Ev sahibi ölkələr ötən il açıqlanan oyun cədvəlinə uyğun olaraq A1 (Meksika), B1 (Kanada) və D1 (ABŞ) mövqelərinə təyin olunacaqlar.

Heç bir qrupa eyni konfederasiyadan birdən çox komanda daxil olmayacaq. Bu, 16 komanda ilə təmsil olunan UEFA-dan başqa bütün konfederasiyalara aiddir.

48 iştirakçıdan 42-si artıq məlumdur. Avropa zonasının və FİFA pley-off mərhələsinin 6 qalibi martda müəyyənləşəcək. Bu komandalar 4-cü səbətdə yer alacaq.

DÇ-2026: Püşkatma mərasimi üçün səbətlər
1-ci səbət: Kanada, Meksika, ABŞ, İspaniya, Argentina, Fransa, İngiltərə, Braziliya, Portuqaliya, Niderland, Belçika, Almaniya.
2-ci səbət: Xorvatiya, Mərakeş, Kolumbiya, Uruqvay, İsveçrə, Yaponiya, Seneqal, İran, Koreya Respublikası, Ekvador, Avstriya, Avstraliya.
3-cü səbət: Norveç, Panama, Misir, Əlcəzair, Şotlandiya, Paraqvay, Tunis, Fil Dişi Sahili, Özbəkistan, Qətər, Səudiyyə Ərəbistanı, Cənubi Afrika.
4-cü səbət: İordaniya, Kaboverde, Qana, Kurasao, Haiti, Yeni Zelandiya, Avropa pley-offlarının qalibləri (4 yığma) və FİFA pley-off matçlarının qalibləri (2 yığma).

Heybət