İdman

Osimhen Avropa nəhənginə keçir? - ŞOK İDDİA

5 Dekabr 2025 17:50

Nigeriyanın milli komandasının keçmiş baş məşqçisi Sandey Olise sensasiyalı iddia irəli sürüb.

Publika.az xəbər verir ki, onun sözlərinə görə, "Qalatasaray"ın hücumçusu Viktor Osimhen "Real"a keçməyə yaxındır.

"Osimhenin "Real"a keçidi ilə bağlı çox söz-söhbət var. Məlumatı necə aldığımı deməyəcəyəm, amma mənə onun gedəcəyi söylənilib. Nə baş verəcəyini görəcəyik, amma bunu Nigeriyada nüfuzlu bir şəxsdən eşidəndə bu gənc üçün çox sevindim", - deyə bildirib.

Qeyd edək ki, Osimhen Türkiyə liqasındakı parlaq çıxışı ilə diqqət çəkir və bu səbəbdən Avropanın bir çox nəhəng klublarının siyahısında yer alması təəccüblü deyil.

Bununla belə, Kilian Mbappenin artıq Madrid klubunda hücum xəttində uğurla çıxış etdiyini nəzərə alsaq, "Real"ın növbəti yay daha bir yüksək səviyyəli hücumçuya sərmayə qoyub-qoymayacağı hələlik məlum deyil.

Heybət