Sosial

Bakının bir başından o biri başına piyada getmək olacaq? - Video

3 Mart 2026 04:30

Bakıda hibrid yaşıl dəhlizlərin yaradılması məsələsi müzakirə olunur. Paytaxtın yaşıllaşdırılması fonunda təqdim edilən layihələrdən biri də “28 May dəhlizi”dir.

Publika.az xəbər verir ki, layihəyə əsasən, dəhliz xətti park vasitəsilə metronun “Gənclik” stansiyası ətrafını Bakı Bulvarı və Bakı Beynəlxalq Dəniz Ticarət Limanı ilə birləşdirəcək.

Burada tramvay xətləri, ictimai yaşıllıq marşrutları, istirahət və əyləncə zonaları, yaşayış sahələri, eləcə də mədəniyyət və yaradıcılıq məkanlarının yaradılması nəzərdə tutulur. “28 May” hibrid yaşıl dəhlizinin ümumi ərazisinin təxminən 15,6 hektar olacağı bildirilir.

Ekspert Ərşad Hüseynovun sözlərinə görə, belə layihələr şəhərin bir tərəfindən digər tərəfinə piyada rahat hərəkəti mümkün edəcək. Onun fikrincə, hibrid yaşıl dəhlizlər həm şəhərin atmosferini yaxşılaşdırır, həm də yay aylarında temperaturun həddən artıq yüksəlməsinin qarşısını qismən alır.

Daha ətraflı süjetdə: