İdman

Makqreqor onlayn kazino yaratdı

9 Dekabr 2025 06:16

İrlandiyalı qarışıq döyüş sənətləri ustası Konor Makqreqor sosial şəbəkələrdə özünə məxsus “RealBet.IO” adlı onlayn-kazino layihəsini işə saldığını açıqlayıb.

Publika.az xəbər verir ki, o, bunu uzun illərdir reallaşdırmaq istədiyini bildirib.

UFC-nin iki çəki dərəcəsində keçmiş çempionu və dünyanın ən populyar idmançılarından biri olan Makqreqor son illərdə biznes fəaliyyətlərini genişləndirir. O, artıq alkoqollu içkilər brendləri, idman məhsulları, media layihələri və kripto təşəbbüslərini portfelinə əlavə edib.

Ekspertlər hesab edirlər ki, UFC ulduzunun adını daşıyan yeni qumar layihəsinin istifadəyə verilməsi yenidən məsuliyyətli oyun məsələsini və tanınmış şəxslərin onlayn-mərc oyunlarını populyarlaşdırmasına təsirini gündəmə gətirə bilər. Çünki Makqreqor xüsusilə gənclər və döyüş sənətlərinin azarkeşləri arasında böyük nüfuza malikdir.

Qeyd olunur ki, Hindistanın onlayn oyun sənayesi hazırda ən ciddi böhran dövrünü yaşayır.